Хейли Стейнфелд “Hawkeye” киноны зураг авалтын газарт харагдав
2020-12-22 15:44:07
Дисней пласаар цацагдах “Hawkeye” олон ангит киноны зураг авалтын бичлэг, фото зургийг интернетэд цацахад, өнгөрсөн хугацаанд үзэгчдэд таамаг төдий байсан зүйлс батлагдлаа. Кейт Бишопын дүрийг Хейли Стейнфелд бүтээнэ гэсэн нийтлэл хэд хэдэн удаа цацагдаж байсан. Хэд хоногийн өмнө Хейли Стейнфелд Марвел студитай “Hawkeye”-ийн гэрээ хийсэн гэдэг нийтлэл гарсан боловч Марвел студийн зүгээс одоог хүртэл тус кинонд Хейли Стейнфелд тоглоно гэдгийг албан ёсоор батлаагүй.
Гэвч энэ удаагийн зураг авалтын зураг бичлэгээс харахад Хейли Стейнфелд “Hawkeye” кинонд тоглож байгаа нь тодорхой болоод байна. Нийтэд дэлгэсэн зурагт Хейли Стейнфелд Хоукайгийн дүрийг бүтээсэн Жереми Реннертэй хамт Нью-Йорк хотын метрон дотор явж байгаа харагддаг. Түүнчлэн Хейли Стейнфелд гартаа том нум барьсан нь эх зохиол комикс дээр гардаг шиг Бартон өөрийн охин Кейт Бишопыг дасгалжуулж байгаа бололтой. Мөн тус хоёр жүжигчинтэй хамт нэгэн нохой харагддаг. Энэ нь "Hawkeye" -ийн эх зохиол комикстой агуулга нь адил гэлтэй. Комикст ээж охин хоёр Лаки нэртэй шар бор нохой тэжээдэг ба зураг авалтын газарт харагдсан нохой комиксын Лакитай үнэхээр адилхан байна.
Кейт Бишоп нь тус кинонд төдийгүй, цаашид MCU -ийн бүтээлүүдэд ч бас гарч ирэх бололтой. Хейли Стейнфилд “The Brave” киногоор 13 насандаа шилдэг эмэгтэй туслах дүрийн номинацад нэр дэвшиж гайхалтай рекорд тогтоосон бөгөөд улмаар “Bumblebee”, “Pitch Perfect 3” зэрэг кинонуудад тоглож карьераа өсгөсөөр байна.
