Minecraft кино Умард Америкийн түүхэнд компьютер тоглоомоос сэдэвлэсэн киноны дээд амжилтыг эвдлээ

2025-04-12 06:21:32

Хүүхэд залуусын тоглох дуртай Minecraft тоглоомоос сэдэвлэсэн “Minecraft” кино Умард Америкийн кино урлагийн түүхэнд компьютер тоглоомын сэдэвт кинонууд дундаа дээд амжилт тогтоолоо. 

Box Office Mojo сайтад мэдээлснээр 4-р сарын 4-нд Америкийн зах зээлд нээлтээ хийсэн Minecraft кино эхний долоо хоногийн амралтын өдрүүдэд Умард Америкт борлуулалтын орлого нь 162 сая 750 мянган долларт хүрчээ. 

Minecraft киноны энэхүү амжилт 2025 онд Умард Америкт нээлтийн борлуулалтаар тэргүүлж байсан “Ахмад Америк: Цоо шинэ дэлхий” киноны амжилт 87.8 сая доллараас 2 дахин давж, 2023 оны “Супер Марио ахан дүүс” киноны амжилт болох 146.3 сая доллараас ч давж нээлтийн борлуулалтаараа илт тодорч гарлаа. 

Minecraft киног бүтээхэд 150 сая орчим доллар зарцуулсан гэдэг.

Minecraft кино бол Minecraft тоглоомоос сэдэвлэсэн кино бөгөөд, дөрвөлжин ертөнцийн бодит биелэл Overworld ертөнцөд нэвтэрч орсон хүмүүс Стивтэй уулзаж, цаашид адал явдалтай учирч байгаа тухай өгүүлдэг. Тоглоом үйлдвэрлэгч Mojang компаниас Warner Bros.-той хамтарч бүтээсэн уг кинонд нэрт жүжигчид болох Жэк Блэк, Жэйсон Момоа нар тогложээ. 

Minecraft киног та кинотеатруудын дэлгэцнээс үзээрэй.