“Хүн-Аалз 4”, ирэх жил зураг авалт эхэлж, “Шан-Чи”-ийн найруулагч ажиллана
2024-09-11 07:22:17
“Шан-Чи” киноны найруулагч Дэстин Даниэл Креттон Марвелын баатартай кино “Хүн-Аалз 4”-ийг найруулна.
The Hollywood Reporter 2024 оны 09-р сарын 09-ний өдөр “Том Холланд Марвелын Хүн-Аалзын ертөнцөд үргэлжлүүлэн Хүн-Аалзын дүрийг бүтээнэ.” гээд “Марвел одоогоор “Шан-Чи” киноны найруулагч Дэстин Даниэл Креттонтой эхний зөвшилцөлд хүрээд байна.” гэж нийтэлсэн байна.
Креттон найруулагч “Avengers: The Kang Dynasty” киног найруулахаар болсон хэдий ч, 2023 оны 11-р сард больсон байна. Тэрээр одоо Марвелын Яхья Абдул-Матин II гол дүрийг нь бүтээсэн “Wonder Man” мини цувралыг хамтран бүтээж байгаа билээ.
“Креттон “Шан-Чи”-ийн дараагийн ангийг бүтээж байгаа боловч, яг одоогоор Марвел студийн “Хүн-Аалз 4”-ийг нэн тэргүүнд хийх шаардлагатай байна.” гэж уламжилжээ.
Улмаар “Марвел студи “Хүн-Аалз 4” кино бүтээхэд бүх хүчээ дайчилж байгаа.” гээд “Киноны зураг авалт ирэх жилийн эхээр эхэлнэ.” гэсэн байна.
Том Холланд 2023 оны 06-р сард The Hollywood Reporter-д өгсөн ярилцлагын үеэр “Марвелын багтай хамт “Хүн-Аалз 4” киноны уулзалтыг хийсэн.” гээд “Эхний хэдэн уулзалтын үеэр “Бид яагаад дахиад үүнийг хийх ёстой вэ?” гэдэг талаар ярилцсан. Тэгээд яагаад хийх ёстой шалтгаанаа олсон.” гэж хэлжээ.
“No Way Home”-д бүгд Питер Паркер бол Хүн-Аалз гэдгийг мэдэлгүйгээр дуусгасан учир түүх цаашид хэрхэн өрнөх талаар тодорхойгүй байна.
Харин Том Холланд сүүлийн үед Англид “Ромео Жульетта хоёр” жүжигт тоглож олны хайр хүндлэлийг хүртээд байгаа билээ.
