Видео тоглоомын ертөнцийг бодит мэт мэдрүүлэх кино... “Эрх Чөлөөт Гайя”

2021-08-16 13:37:13

Банкны теллер Гайяийн амьдардаг "Эрх чөлөөт хот” бол видео тоглоом доторх ертөнц. Байнга давтагдах бодит байдлаас өөр виртуал орчинд бүх зүйл боломжтой гэдгийг нотлох мэт тоглоомд холбогдсон тоглогчид гудамжинд зэвсгээр байлдаж, бөмбөг тэсэлдэг. Байлдааны онгоц нисэж, машин, нисдэг тэрэг гэх зэрэг дэлбэрэх нь энгийн үзэгдэл.

“Эрх Чөлөөт Гайя” кино нь тоглоом доторх ертөнц уруу үзэгчдийг уриалан дуудаж, хязгааргүй төсөөлөх чадварыг нээх энтертейнинг тулаант блокбастер кино юм. Тус кинонд тоглоомын туслах дүрийг гол дүр болгож шинэ, өвөрмөц баатруудыг бүтээжээ. Банкны ажилтан Гайя(Райан Рейнольдс) өглөө бүр даавуун өмдөн дээр цэнхэр срочкон цамц өмсөж, өглөөний цайндаа сериал идээд нэг халбага сүү, хоёр халбага элсэн чихэр орсон кофегоо барьсаар ажилдаа явдаг. Ажлаа тараад далайн эрэг дээр дотно найз Баддитайгаа шар айраг ууснаар нэг өдөр дуусдаг ба өдөр хоногийг нэгэн хэвийн өнгөрүүлдэг. Банканд өдөр бүр дээрэмчид орж ирэх боловч, Гайяд энэ бүхэн нь сүртэй зүйл биш. Учир нь тэрээр банкны ажилтан гэж программчлагдсан туслах дүр. Ийм байдлыг мэдэхгүй, амар тайван амьдарч байсан тэрээр нэгэн өдөр санаандгүй харц тулгарсан Милли(Жоди Комер)-д анхны харцаар дурладаг. Милли нь Гайя бол туслах дүр бөгөөд өөрийнх нь амьдарч байгаа ертөнц удахгүй сүйрнэ гэдгийг анхааруулдаг. Тоглогчдын зүүдэг нарны шилтэй болсон Гайя үнэнийг мэдэх болж, Эрх чөлөөт хотоо аврахын тулд цаашид туслах дүр бус, баатар болохоор шийддэг. 

Өнөөг хүртэл урьд хожид харж байгаагүй төлөв даруу, гэмгүй, гэнэн цайлган баатраар “Дэдпүл” цувралд ярих ур чадвараараа олны хүндэтгэл хүлээгээд байсан Райан Рейнольдс Гайяийн дүрд хувирч, өвөрмөц алиа хошин байдлаараа байлдан дагуулах аж. "Эрх Чөлөөт Гайя" бол тоглоом доторх ертөнцийг дэлгэцнээ авчирч төсөөлөх чадварт нөлөөлөх ховор бүтээл. Бүх зүйл боломжтой видео тоглоомын ертөнц уруу дагуулан авчирч, огт мэдэрч байгаагүй зүйлсийг мэдрүүлэх аж. Биеэ хүргэвэл цэнэглэгддэг эмнэлгийн улаан хайрцаг, тэнгэрийн хязгаар хүртэл үсрэх чадварыг нэмэгдүүлэх гутал гэх зэрэг тоглоомын санаа ч бас агуулж, тоглоом тоглож байгаа мэт сонирхолтой байх болно. Виртуал орчныг харуулахын тулд харагдах байдал, өргөн хүрээний тулааныг харуулах кадр ч бас дэлгэцийг дүүргэх аж. Бодит болон виртуал орчин ээлжлэх Эрх чөлөөт хотод өрнөж буй интерактив амьд үлдэх тулаан сэтгэл хөдөлгөх ажээ.  

2021 оны 8-р сард нээлтээ хийнэ.