BTS-ийн Шюга, Холси нарын хоршил

2019-12-11 23:59:27

BTS хамтлагийн Шюга, дуучин Холситай хослон дуулжээ.

Дуучин Холси 12 сарын 6-нд 00 цагт дэлхий нийтийн цомгийн дууны сайт, стрийминг платформоор дамжуулж BTS хамтлагийн Шюга продюсерлож, дэмжиж оролцсон дижитал сингл SUGA’s Interlude дууг фэнүүддээ хүргэлээ.

Холси өнгөрсөн 4 сард борлуулагдаж эхэлсэн BTS хамтлагийн MAP OF THE SOUL : PERSONA цомгийн Boy With Luv дууг хослон дуулсан бөгөөд, дахин хамтрах санал гаргаснаар дээрх дуу бэлэн болжээ. 

Хоёр дуучны гайхалтай хослол болсон тус дууны үг аяыг Шюга өөрөө зохиож рэп хэсгийг дуулсан ба Холси ч гэсэн өөрийнхөө дуулах хэсгийн үгийг зохиожээ. Дууны гарчигт хүртэл Шюгагийн англи нэр орсныг анзаарахгүй байхын аргагүй.

SUGA’s Interlude дуу 2020 оны 1 сарын 17-ноос худалдаанд гарах Холсигийн Manic хэмээх шинэ цомогт орох ба цомогт оруулахаасаа өмнө дижитал сингл хэлбэрээр фэнүүддээ хүргэж байгаа нь энэ гэнэ. 

12 сарын 3-нд Холси олон нийтийн сүлжээн дэх хаягаараа шууд бичлэг хийж Шюгатай хослон дуулсан дуугаа удахгүй гаргахаа зарлаж, Шюгаг шинэ цомогт нь бүрэн дүүрэн тохирох мэдрэмжтэй дуучин гэж тодотгожээ. Мөн шинэ цомгийнхоо дууны нэрсийг бичлэгээр харуулахад SUGA’s Interlude дуу 13-т нь байсан юм. Холси SUGA’s Interlude дууг 6-ны өдөр фэнүүддээ хүргэнэ гэж мэдэгдэж хүлээлт үүсгэсэн билээ. 

Зургийн эх сурвалж: Big Hit Entertainment