“Харийнхан” цувралын хувьслыг үзэх үү?... “Харийнхан: Ромулус” 2024 оны 08-сард нээлтээ хийнэ

2024-06-12 11:15:08

“Харийнхан” цувралын шинэ анги “Харийнхан: Ромулус” кино 2024 оны 08-р сард нээлтээ хийнэ.

“Харийнхан” нь 1979 онд эхэлсэн домогт шинжлэх ухааны уран зөгнөлт (SF) цувралаар “Харийнхан 2”(1986), “Харийнхан 3”(1992), “Харийнхан 4”(1997) гээд нийт 4 анги гарчээ. Мөн өмнөх үйл явдлыг харуулсан “Prometheus” 2012 онд, “Prometheus”, “Харийнхан” хоёрын дундын үйл явдлын талаар өгүүлсэн “Харийнхан: Ковенант” 2017 онд нээлтээ хийж байжээ. 

“Харийнхан: Ромулус” кинонд “Харийнхан”-ийг бүтээгч Ридли Скотт найруулагч продюсероор, “Don’t Breathe”-ийн Феде Альварес найруулагчаар ажилласан нь цувралын шүтэн бишрэгчдэд маш их хүлээлт үүсгээд байна. 

Кино нээлтийн өдөр товлогдохын зэрэгцээ олон нийтэд цацагдсан глобал тусгай постерт сэтгэл сэртхийлгэм улаан дэвсгэр дээр эзнийхээ биед “Харийнхан”-ы авгалдайг оруулж буй “Facehugger”-т булаан эзлэгдэж байгаа хүний царайг харуулсан нь анхаарал татаж байна. 

Мөн хамт цацагдсан гол трэйлер нь үгүйрэн хоосорсон дэлхийгээс зугтан гарахын тулд хаягдсан сансрын зогсоолыг чиглэх колони улсыг эхлүүлэгчдээр эхэлнэ. Төд удалгүй уснаас гарч ирсэн үл мэдэгдэх ямар нэгэн биет нурууг хүйт оргиулсаар төсөөлшгүй айдас эхэлж байгааг мэдэгдэнэ. Улмаар “Тэр биднийг ангуучилж байгаа!” гэж хэлэх үг нь илүү ихээр түгшээнэ. 

Ялангуяа үхлийн газар руу хөөгдсөн хүмүүсийн гаслантай хашгираан, ширүүн амь тэмцэх тэмцлийн дунд “Тэнд хэн ч чиний хашгирахыг сонсохгүй.” гэсэн өгүүлбэр гарч ирэн ямар жанрын кино болохыг илтгэнэ. 

“Харийнхан: Ромулус” киног 2024 оны 08-р сарын 16-ны өдөр кино театруудад үзээрэй.

Зургийн эх сурвалж: 20th century fox