“Argylle” Хенри Кавиллын дүр

2024-01-12 08:39:47

2024 оны 02 сарын 02-ны өдөр нээлтээ хийх тагнуултай тулаант блокбастер кино “Argylle” кинонд тоглосон Хенри Кавилл, Жон Сина, Дуа Липа гээд киноны дүрүүдийн постер олон нийтэд цацагджээ. Олон нийтэд цацагдсан постерт шилдэг борлуулалттай романы зохиолч Элли(Брайс Даллас Ховард)-ийн зохиол дахь дүрүүдийн өөр өөрийн гэсэн дур татам байдлыг харуулсан нь анхаарал татаж байна.

Энэхүү бүтээлээр дамжуулан бүрэн тагнуулч болж эргэн ирсэн Хенри Кавилл анхаарал татаж байна. Хенри Кавилл “Argylle” дахь домогт тагнуулч Аргайлийн дүрийг бүтээж, өөрийгөө бүрэн илтгэсэн хувцаслалт, үс засалтаар өөрийгөө харуулах ажээ. 

Ялангуяа Аргайл нь ямар ч даалгаврыг бүрэн гүйцэтгэдэг домогт гишүүнээр энэхүү бүтээлд бодит мэт тулаанаар дур татам байдлыг харуулах аж. Мөн Жон Сина Аргайлийн хамтрагч хийгээд түүнийг дэмждэг баруун гар Вайтын дүрийг бүтээжээ. 

Аргайл даалгавар гүйцэтгэх үед аюултай байдалд унах бүрд гаргууд арга барил, хүч чадлаар түүнд тусалж, орхиж үл болох гол дүрээс илүү туслах дүрийг бүтээсэн байна. Түүнчлэн Дуа Липа Аргайл, Вайтыг урхинд оруулах аюултай хорон санаатан Легранжийн дүрийг бүтээн анхаарал татаж байна.

Тэрээр хоёр хүний хайж байгаа даалгаварт хамсаатан болсон дайснаар дур булаам бүжиглэлт, буудах чадварыг хослуулсан хорон санаатан болж шүтэн бишрэгчдийнхээ сэтгэлийг хөдөлгөх ажээ.

“Argylle” кино нь “Кингсмэн” цувралын Мэттью Вон найруулагчийн шинэ бүтээл бөгөөд энэхүү бүтээлийн талаар өөрийн гэсэн бардах сэтгэлийг харуулж, нэг шат дээшилсэн тагнуултай тулаант блокбастер кино болох аж.

Netflix-ийн “The Witcher” цуврал, DC universal “Zack Snyder’s Justice League”-т супермэний дүрийг бүтээсэн Хенри Кавилл, дэлхийн топ од хийгээд “Барби” кинонд тоглосон Дуа Липа, “Галзуу хурд” цувралын Жон Сина, Марвел цувралын Самуэл Л.Жэксон гэсэн Холливудын төлөөлөх алдартай жүжигчид тоглосон нь хүлээлт ихээр үүсгэж байна. 

“Argylle” кино 2024 оны 02-р сарын 02-ны өдөр нээлтээ хийнэ. 

Зургийн эх сурвалж: Universal pictures