“Хүн-Аалз: Буцах Замгүй” кинонд олон ертөнцөөс ирсэн хорон санаатан гарч ирнэ

2021-12-09 11:20:50

“Хүн-Аалз: Буцах Замгүй” (Найруулагч Жон Уоттс) киноны олон ертөнцийн постер цацагдлаа.

“Хүн-Аалз: Буцах Замгүй” кино нь хэн болох нь ил болсон Хүн-Аалз Питер Паркер (Том Холланд) асуудлыг шийдэхийн тулд доктор Стрэйнж(Бенедикт Камбербэтч)-ээс тусламж авч байхад санаандгүй олон ертөнцийн үүд нээгдэн, эртний дайсан “Доктор Октавиус(Альфред Молина) гарч ирэх ба түүхэн дэх хамгийн аюултай нөхцөл байдалтай нүүр тулах тухай өгүүлэх Марвелын тулаант блокбастер кино юм. Олон нийтэд цацагдсан “Хүн-Аалз: Буцах Замгүй” киноны олон ертөнцийн постерт сүйрсэн хотын дунд зогссон Хүн-Аалз( Том Холланд), Доктор Стрэйнж (Бенедикт Камбербэтч), Эм Жэй(Зендея) нарын дүр төрх юун түрүүнд анхаарлыг татаж байна. Тэр гурвын байгаа хотод санаандгүй нээгдсэн олон ертөнцийн улмаас ан цав үүсч, сүйрч байгаа дүр төрхөөр тэдний тулалдах үйл хэрэг юу болох нь сонирхол төрүүлж байна. 

Онцгойлон санаатнууд Хүн-Аалзад ямар аюул учруулах бол гэдэг нь сонирхол татаж байна. Олон ертөнцийн постерт гарсан хорон санаатнууд нь Сэм Рэйми найруулагчийн “Хүн-Аалз” 3-т гарсан Доктор Октовиус, Ногоон Гоблин, мөн “The Amazing Spider-Man” цувралын хорон санаатан Электро гэх зэрэг өөр хэмжээст ертөнцөөс ирсэн тэд Хүн-Аалзтай тааран ямар үйл явдал өрнөх бол гэдэг нь хүлээлтийг үүсгэж байна. Түүгээр зогсохгүй Мистериог алсан гэмт хэрэгтэн гэсэн муу нэрийг зүүсэн Питер Паркер, түүнийг дэмждэг Эм Жэйтэй харилцах харилцаа, шинээр нэгдсэн доктор Стрэйнж болон Хүн-Аалзын хамтрал гэх зэрэг төсөөлшгүй түүхийг өгүүлэх нь кино шүтэн бишрэгчдийн сонирхлыг ихээр татаж байна. 

“Хүн-Аалз: Буцах Замгүй” кино 2021 оны 12-р сарын 17-ны өдөр нээлтээ хийнэ.