“Оньс тайлагч” киноны 8 жүжигчдийн онлайн уулзалт...
2020-04-06 14:07:58
“Оньс тайлагч” киноны багийн гишүүд цуглажээ.
Кая Скоделарио 4-р сарын 1-ний өдөр өөрийн инстаграмд “Бид нурман сорилоос амьд үлдлээ” гэсэн мессежтэй хамт нэгэн зураг оруулжээ.
Тус зурагт “Оньс тайлагч” кинонд хамт тоглосон Дилан О’Брайен, Томас Броди-Сангстер, Ли Ки Хон, Уилл Поултер, Декстер Дарден нар байв. Тэд видео чатаар ярилцаж байгаа аж.
2014 оны 9-р сард олны хүртээл болсон “Оньс тайлагч” киног Жэймс Дэшнерийн шинжлэх ухааны уран зөгнөлт зохиолоор бүтээжээ. 2015 онд 2-р анги, 2018 онд 3-р анги бүтээгдсэн билээ.
Хөдөлдөг асар том төөрдөг зам мөн хөнөөлт амьтдыг ялж тэрхүү газраас зугтсан боловч өөр нэгэн аюулт ертөнцөд очсон байдаг. Оньс тайлагчид нууц зохион байгуулалттай WCKD-тэй тулалддаг тухай өгүүлдэг.
Ялангуяа 3-р ангид нууц зохион байгуулалттай WCKD-д баригдсан Минхо(Ли Ки Хон)-г аврахын тулд Томас болон оньс тайлагчид сүүлийн тулаанаа хийж цуврал дуусаж байгааг мэдэгдсэн.
Ийнхүү удаан хугацааны дараа “Оньс тайлагч”-ийн гишүүд дахин нэгдэж шүтэн бишрэгчдийнхээ сэтгэлийг нь гижигдээд авчээ. 4-р анги, эсвэл өмнөх үйл явдлыг нь өгүүлэх кино бүтээх гэж байгаа юм биш биз гэсэн хүлээлт үүсгээд байна.
